Қазақстан Республикасындағы инфляция 2017 жылғы қаңтарда баяулап, осыған дейін Ұлттық Банк болжағандай, нысаналы дәліздің шегіне кіріп, жылдық көрсетуде 7,9% болды. Инфляция құрылымында азық-түлік тауарларына бағалардың жылдық өсу қарқындарының 9%-ға дейін, азық-түлікке жатпайтын тауарлардікі 9,2%-ға дейін, ақылы қызметтердікі 5,3%-ға дейін төмендеуі жалғасты.

Инфляция 2017 жылғы қаңтарда 0,8%-ды құрады, бұл 2016 жылғы қаңтардағы көрсеткіштен айтарлықтай төмен (1,3%) және тұтастай алғанда, жыл басындағы инфляциялық үрдістерге сәйкес келеді.

Ұлттық Банктің болжамдары бойынша, 2017 жылы жылдық инфляция деңгейі едәуір төмендеуді көрсетпейді, алайда 6-8% нысаналы дәліздің ішінде болады. Инфляцияның нысаналы дәліздің шегінен тыс шығу тәуекелдері әлемдік шикізат нарықтарындағы күйзелістер, тұтынушылық сұраныстың өсуі, бюджеттік шығыстардың ұлғаюы, сондай-ақ инфляциялық күтулердің баяу дамуы болады.

Ұлттық Банк экономикалық өсу үшін қажетті жағдайлар жасай отырып, елдегі баға тұрақтылығын қамтамасыз ету жұмысын жалғастырады. Инфляцияның 6-8% дәлізі 2017 жылға арналған нысаналы дәліз болып табылады.