Қаржылық тәртіп — бұл азық-түлікті үнемдеу туралы емес, ақшаны құрметтеу, шығындар туралы хабардар болу және ұзақ мерзімді мақсаттар қою мүмкіндігі туралы. 

Жұлдыздар өз ақшаларын қалай басқарады және біз олардан не үйрене аламыз - Fingramota.kz-пен бірге қарастырайық.

Дженнифер Лопес: гламур ғана емес, сонымен қатар есеп

Дженнифер Лопес - шоу-бизнес әлеміндегі ең табысты әйелдердің бірі. Ол әнші, актриса және биші ғана емес, сонымен қатар бизнесвумен. Оның құпиясы – қатаң тәртіп. Ол өзіне инвестиция салады: ең жақсы жаттықтырушыларды, диетологтарды және стилисттерді жалдайды, бірақ бұл ысырап емес, өзінің кәсіби имиджіне инвестиция.

Дженнифер сонымен қатар өз кірістерін әртараптандырады, ол тек шоу-бизнес пен кинодан ғана емес, сонымен қатар косметика, парфюмерия, сән және жылжымайтын мүлік саласындағы бизнес-жобалардан да пайда табады. Миллиондарға қарамастан, Д. Лопес әрқашан қанша жұмсайтынын және қанша ақша табатынын білетінін мойындайды.

Кеңес: Тіпті үлкен кіріс болған кезде сіз ақшаның қайда кететінін білуіңіз керек. Қаржылық тәуелсіздік есепке алудан басталады.

Брэд Питт: ақша шашқыштан инвесторға айналу

Брэд Питт өз мансабының басында голливудтың сүйікті бейнесінің көрінісі болды — қымбат машиналар, сәнді кештер, есепшотсыз шығындар. Бірақ жасы ұлғайған сайын, әсіресе 40 жастан кейін ол ақшаға деген көзқарасын толығымен қайта қарады. Ол қазір киноға инвестиция салуда: өзінің жеке продюсерлік компаниясын ашып, актер ретінде ғана емес, продюсер ретінде де ақша таба бастады. АҚШ пен Еуропадағы нысандарға, соның ішінде Château Miraval шарап зауытына иелік етеді. Сондай-ақ Б. Питт табысының бір бөлігін қайырымдылыққа жұмсайды: көмек қорларына-жұмсап қана қоймай, береді де.

Кеңес: Өзгеруге ешқашан кеш емес. Ешқашан үйренбегеннен қарағанда, уақыт өте келе ақшаны ақылмен басқаруды үйренген жақсырақ.

Димаш Құдайберген: қарапайымдылық және болашақты көре білу

Димаш — Қазақстанның мақтанышы және әлемдік деңгейдегі әртіс. Танымал және жанкүйерлер тобына қарамастан, ол күнделікті өмірде өте қарапайым болып қала береді. Ол сән-салтанатқа ұмтылмайды: оның отбасы әрқашан қарапайымдылық пен ақшаны құрметтеудің маңыздылығы туралы айтып отырады. Димаш шығармашылығына ақша салады: оның әр туындысы, туры және клипі —  бұл өздігінен жұмсалатын жоба емес, ойластырылған жоба. Ол сондай-ақ отбасын қолдайды: ата-анасына көмектеседі және ысырапшыл емес.

Кеңес: Атақ — басты айналдыруға себеп емес. Тіпті үлкен кіріспен де адам болып қалу маңызды.

Аян Өтепбергенов: саналы жоспарлау 

Аян қазақстандық Q-pop қозғалысы ізашарларының бірі ретінде танымал, жас әрі болашағы бар продюсер. Жас екеніне қарамастан, қаржыны уысында ұстаудың озық үлгісін көрсетті. А.Өтепбергенов топтың кірістерін өте сауатты жоспарлайды: табыстың бір бөлігін оқытуға, ілгерілетуге және ұзақ мерзімді жобаларға үлестіреді. Сондай-ақ, ол қарыздар алмайды: даму үшін кредиттерді әдейі алмайды – тек қана тапқан пайдадан инвестициялайды. 

Шығыстар есебі: оның командасында бюджет анық жүргізіледі және әрбір қойылым пайда тұрғысынан бағаланады.  

Кеңес: Қаржылық тәртіп — бұл анық жоспарлау және өсу қозғалтқышы.  

Динара Сәтжан: қаржылық бақылау өмір стилі ретінде  

Бұрынғы тележүргізуші, ал бүгін – табысты бизнесвумен және қоғамдық қайраткер, Динара Сәтжан қаржылық сауаттылық идеяларын әсіресе әйелдер қауымының арасында белсенді түрде ілгерілетуде. Оның дара жолы – тәртіп, саналылық пен ақшаға деген стратегиялық тәсілдің тек әдет болып қалмай, өмірлік философия бөлігі болып табылатынына айқын мысал. 

Д. Сәтжан қаржылық тәуелсіздікке бірінші қадам ретінде жеке және отбасылық бюджетті есепке алу маңыздылығын атап өтеді. Оның айтуынша, ақшаның неге кететінін түсіну – бұл шектеу туралы емес, таңдау еркіндігі туралы.  

Кеңес: Қаражатты бақылау — бұл уақытша шара емес өмірдің мәнері.

Сауатты жоспарлау бойынша ұсынымдар:

1. Бюджетті жүргізіңіз — тым болмаса телефонда. Әрбір мыңдық неге жұмсалып жатқанын білудің өзі – үлкен қадам.

2. Әрбір табысыңыздың кемінде 10%-ын қалдырып отырыңыз — бұл сіздің қаржылық қауіпсіздік қорыңыз.  

3. Мақтаныш іздемеңіз — базалық қаржылық тұрақтылық болмаса, кредитке қымбат смартфондар алудың қажеті жоқ.  

4. Дағдыларыңызды дамытыңыз —Дженнифер Лопес секілді білімге, денсаулыққа және жеке брендке салым жасаңыз. 

5. Үздіктерден үйреніңіз — қаржы туралы кітаптар оқыңыз, подкасттар тыңдаңыз, биографиялармен танысыңыз.

Қаржылық тәртіп — бұл шектеу емес, еркіндік. Сізде қаржылық қауіпсіздік қоры болса, авансқа тәуелді болмасаңыз, ақшаң өзің үшін жұмыс істеп тұрса – сен еркінсің. Таңдауда, армандауда, өміріңді өзгертуде еркінсің. Жұлдыздар мұны әлдеқашан түсінген, енді біздің де түсінетін кезегіміз келді.  

Fingramota.kz-пен бірге өз қаржылық сауаттылығыңызды арттырыңыз!