«Банктердің экономикаға кредиттерінің көлемі жылдың басынан бері  2,6%-ға төмендеп, қаңтардың аяғында 12,5 трлн. теңгені құрады, бұл іскерлік белсенділіктің маусымдық төмендеуіне байланысты». Осындай деректерді баспасөз конференциясы барысында журналистерге Қазақстан Ұлттық Банкінің Төрағасы Данияр Ақышев ұсынды.

«Олардың құрылымында ұлттық валютада берілген кредиттердің үлесі жылдың басынан бері валюталық кредиттердің айтарлықтай қысқаруы аясында бір айда 67,4%-дан 68,0%-ға  дейін ұлғайды. Сондай-ақ қысқамерзімді қарыздар портфелінің айтарлықтай төмендеуі нәтижесінде ұзақмерзімді кредиттердің үлесі 81,9%-дан 83,5%-ға дейін өсті», - деді Д. Ақышев.

Ол кредиттеудің одан әрі кеңеюіне базалық мөлшерлеменің жақында орын алған төмендеуі және ақша нарығындағы ресурстар құнының тиісті тұрақтануы ықпал ететіндігін атап өтті.