Базалық мөлшерлеме төмендегеннен кейін ақша нарығының мөлшерлемелері тиісті түрде түзетілді. 2017 жылғы 28 ақпанда  бір күндік  РЕПО операциялары бойынша мөлшерлеме 10,17%, қаңтардың соңында – 11,33% болды. Бұл туралы бүгін ҚРҰБ Төрағасы Данияр Ақышев Алматы қ. ақпараттық агенттіктерге арналған брифингіде сөйлеген сөзінде хабарлады.

«Инфляцияны  8%-дан төмен деңгейде тұрақтандыру Ұлттық Банкке  базалық мөлшерлемені 11%-ға дейін төмендетуге мүмкіндік берді. Базалық мөлшерлеменің жаңа деңгейі инфляция бойынша мақсатқа қол жеткізу және  макроэкономикалық және қаржылық тұрақтылықты қамтамасыз ету арасындағы ұзақмерзімді тепе-теңдікті көрсетеді», - деп атап өтті Д. Ақышев.

Оның айтуынша, базалық мөлшерлеменің жаңа деңгейі ресурстардың арзандауын қамтамасыз етуге тиіс және  кредиттеудің ұлғаюына себепші болады.