Жылдық инфляция 6-8% нысаналы дәліз шегінде тіркелді және күйзелістер болмаған кезде 2017 жыл бойы оның ішінде  қалатын болады. Бұл жайлы бүгін  ҚРҰБ Төрағасы Данияр Ақышев  ақпараттық агенттіктерге арналған  брифингте сөйлеген сөзінде хабарлады.

Ұлттық Банктің  басшысы  инфляция  қарқындарының баяулағандығын және инфляциялық күтулердің төмендегендігін атап өтті. Ол  халықтың инфляциялық күтулерін бағалау нәтижелерін келтірді. Мәселен, оның айтуынша, инфляциялық күтулерді алдағы бір жылға қатысты сандық бағалау қаңтарда 6,6%-ды құрады. «Бұл цифр халықтың күтулерінің нысаналы  дәліз ішінде  қалыптасатындығын  көрсетеді және  олар қаңтарда  инфляцияның нақты  мәнінен  төмен  деңгейде  тіркелді. Бұл ретте  жоғары инфляцияны күткен респонденттердің үлесі өткен жылдың ортасынан  бастап ең  төменгі  мәнге  дейін  азайды», - деді Д. Ақышев.