Қазақстан Республикасының Ұлттық Банкі «Қазақстан Республикасының кейбір нормативтік құқықтық актілеріне сақтандыру ұйымдарын тарату мәселелері бойынша өзгерістер мен толықтыру енгізу туралы» (бұдан әрі - Жоба) Қазақстан Республикасының Ұлттық Банкі Басқармасының қаулысының әзірленгені туралы хабарлайды.
Бұл Жоба уақытша әкімшілік пен тарату комиссиясы тарапынан сақтандыру (қайта сақтандыру) ұйымының сақтандыру портфелін берудің тиімділігін арттыру мақсатында әзірленген.
Басқарма қаулысының жобасы бірнеше сақтандыру компанияларына сақтандыру портфелін беру құқығын регламенттеу бөлігінде нормативтік құқықтық актілерге өзгерістер енгізуді көздейді, сақтандырушылар мен сақтандыру (қайта сақтандыру) ұйымдарының мүдделерін ескеру мақсатында сақтандыру портфелін берудің экономикалық тиімділігін бағалау, сондай-ақ екі немесе одан да көп потенциалды сақтандырушы-сатып алушылар болған жағдайда сақтандыру портфелін ішінара беру тәртібін анықтайды.
Жобаның толық мәтінімен ашық құқықтық актілердің ресми интернет-порталда танысуға болады.