Қазақстан Республикасының Ұлттық Банкі «Қазақстан Республикасы Ұлттық Банкінің ақша-кредит саясатын iске асыру шеңберінде аукциондар өткізу қағидаларын бекіту туралы» Қазақстан Республикасы Ұлттық Банкінің Басқармасының 2018 жылғы 30 шілдедегі №167 қаулысына өзгерістер енгізу туралы» Қазақстан Республикасы Ұлттық Банкі Басқармасы қаулысының жобасын (бұдан әрі – жоба) әзірлегені туралы хабарлайды.
Жоба Қазақстан Республикасы Ұлттық Банкінің ақша-кредит саясатын iске асыру шеңберінде аукциондар өткізу қағидаларын жетілдіру және өзектендіру мақсатында әзірленді.
Жобада мынадай өзгерістер көзделген:
- Астана қаласының атауын өзгертуге байланысты өзгерістер енгізілді;
- депозиттік аукционды өткізу (техникалық параметрлер) қолданыстағы практикаға сәйкес келтірілді.
Жобаның толық мәтінімен ашық нормативтік құқықтық актілердің интернет-порталында және Ұлттық Банктің ресми Интернет-ресурсында «Нормативтік құқықтық база» бөлімінде танысуға болады.