Қазақстан Ұлттық Банкі «Қазақстан Республикасында экспорттық-импорттық валюталық бақылауды жүзеге асыру қағидаларын бекіту туралы» Қазақстан Республикасының Ұлттық Банкі Басқармасының 2019 жылғы 30 наурыздағы № 42 қаулысының (бұдан әрі – Қағидалар) қабылданғаны туралы хабарлайды.

Қағидалар «Валюталық реттеу және валюталық бақылау туралы» 2018 жылғы 2 шілдедегі Қазақстан Республикасының Заңына сәйкес әзірленді және Қазақстан Республикасында экспорттық-импорттық валюталық бақылауды жүзеге асыру тәртібін айқындайды.

Қағидалар Қазақстан Республикасының Әділет министрлігінде 2019 жылғы 16 сәуірде № 18539 болып тіркелген.

Қағидалардың қолданысқа енгізілу мерзімі – 2019 жылғы 1 шілде.

Қағидалардың толық мәтінімен Ұлттық Банктің ресми интернет-ресурсында Нормативтік құқықтық база → ҚҰБ НҚА → Валюталық реттеу және валюталық бақылау бөлімінде танысуға болады.