Қазақстан Ұлттық Банкі «Қазақстан Республикасында валюталық операцияларды мониторингтеу қағидаларын бекіту туралы» Қазақстан Республикасы Ұлттық Банкінің Басқармасының 2019 жылғы 10 сәуірдегі № 64 қаулысы қабылданғаны туралы хабарлайды.

Қағидалар «Валюталық реттеу және валюталық бақылау туралы» 2018 жылғы 2 шілдедегі Қазақстан Республикасының Заңына және өзге де заңнамалық актілерге сәйкес әзірленді және Қазақстан Республикасында валюталық операциялардың мониторингін жүзеге асыру тәртібін белгілейді.

Қағидалар Қазақстан Республикасының Әділет министрлігінде 2019 жылғы 18 сәуірде № 18544 болып тіркелген.

Қағидалардың қолданысқа енгізілуі – 2019 жылғы 1 шілде.

Қағидалардың толық мәтінімен Қазақстан Ұлттық Банкінің интернет-ресурсында, «Нормативтік құқықтық база» бөлімінде танысуға болады.