Қазақстан Республикасының Ұлттық Банкі «Қазақстан Республикасы ұлттық валютасының шетел валюталарына ресми бағамын белгілеу қағидаларын бекіту туралы» Қазақстан Республикасы Ұлттық Банкі Басқармасының 2012 жылғы 24 тамыздағы № 242 қаулысына өзгерістер енгізу туралы Қазақстан Республикасы Ұлттық Банкі Басқармасы қаулысының жобасын (бұдан әрі – жоба) әзірлегені туралы хабарлайды.
Жоба «Қазақстан қор биржасы» АҚ-та таңертеңгі және күндізгі сессияларды біріктіруді және сауда-саттықты 17.00-ге дейін ұзартуды болжайтын бірыңғай «тоқтаусыз» сессияны жоспарлы түрде енгізуге байланысты әзірленді.
Жобада мынадай өзгерістер көзделген:
- тараулар тақырыбының редакциялары өзгертілген;
- Қазақстан қор биржасының таңертеңгі (негізгі) және күндізгі (қосымша) сессияларына сілтемелер алып тасталды.
Жобаның толық мәтінімен ашық нормативтік құқықтық актілердің ресми интернет-порталында танысуға болады.