ҚР Ұлттық Банкі «Қазақстан Республикасының кейбір нормативтік құқықтық актілеріне қаржы нарығын реттеу мәселелері бойынша өзгеріс пен толықтырулар енгізу туралы» Қазақстан Республикасының Ұлттық Банкі Басқармасы Қаулысының (бұдан әрі - өзгерістер жобасы) әзірленгендігі туралы хабарлайды.

Өзгеріс пен толықтырулар жобасы оff-take келісімшарты бойынша болашақта түсетін ақша қаражаты белгіленген талаптар сақталған жағдайларда банктік қарыз шарты бойынша кепіл болып танылуын, сондай-ақ Ұлттық Банктің алқалы органының басшысы алқалы органның уәжді пайымдауды пайдалану кезіндегі отырысына қаржы ұйымдарының өкілдерін және (немесе) қаржы секторының аккредиттелген заңды тұлғалар бірлестігінің өкілдерін тарту мүмкіндігін көздейді.

Жобаның толық мәтінімен ашық нормативтік құқықтық актілердің интернет-порталында танысуға болады.