20 наурыздағы[1] сауда-саттық қорытындылары бойынша теңгенің нарықтық  бағамы бір АҚШ доллары үшін бір апта ішінде 0,1%-ға нығайып (378,51-ден), 378,17  теңге деңгейінде қалыптасты.

Сыртқы валюталық нарықта 2019 жылғы 15 наурыздан 22 наурыз аралығында неғұрлым маңызды оқиғалар  қаңтарда АҚШ ФРЖ-нің  пайыздық мөлшерлемені 2,25-2,5%-дық аралықта сақтау туралы шешімі, АҚШ Орталық банкінің ІЖӨ-нің 2019 жылы 2,1%-ға дейін өсуі болжамының төмендеуі, АҚШ пен Еуроаймақтың өндірістік секторында іскерлік белсенділіктің баялауы туралы деректерді жария ету, ЕО-ның Ұлыбританияның Еуроодақтан шығуын кейінге қалдыруға келісімі болды.  Аталған факторлар АҚШ доллары бағамының дамыған елдердің валюталарымен салыстырғанда әлсіреуіне әкелді.

Дамушы елдердің валюта бағамдарының[2] АҚШ долларына қарағанда серпіні мынадай түрде қалыптасты:

• Индонезия  рупиясы  инвесторлардың тәуекел активтері сентиментінің жақсаруы және АҚШ ФРЖ-нің жұмсақ риторикасы аясында   0,7%-ға (14 260-тан 14 163-ке дейін) нығайды;
• Мексика песосы  АҚШ ФРЖ-нің  мөлшерлемені бұрынғы деңгейде сақтап қалу, сондай-ақ Комитет мүшелерінің басым бөлігінің оны 2019 жылы көтермеу туралы болжамдарының  аясында   0,6%-ға (19,21-ден 19,09-ға  дейін) нығайды;
• Ресей рублі  салықтық кезеңнің және шетелдік инвесторлардың ФҚО-ға қызығушылығының артуы  аясында  0,2%-ға  (64,8-ден 64,65 - ке дейін) нығайды;
• Үндістан рупиясы портфельдік инвестициялар түріндегі шетелдік капиталдың әкелінуі  аясында 0,2%-ға  (69,1-ден 68,96-ға дейін) нығайды; 
• Оңтүстік Африка ранды  Германия, Франция және АҚШ-тағы іскерлік белсенділіктің баялауы туралы деректерді жариялаудан кейін әлемдік экономиканың өсу қарқынының бәсеңдеуіне байланысты инвесторлардың қауіптенуі аясында 0,7%-ға          (14,4 –тен 14,5-ке дейін) әлсіреді;
• Бразилия реалы саяси тәуекелдердің өсуі аясында  2,4%-ға  (3,81 –ден 3,91-ге дейін) әлсіреді; Бразилияның бұрынғы Президенті сыбайлас жемқорлыққа  күдіктілік бойынша тұтқындалған болатын;
•   Түрік лирасы Түркия ОБ-нің таза халықаралық резервтерінің төмендеуі аясында  5,7%-ға (5,45 –тен 5,76-ға дейін)  әлсіреді.