Ұлттық Банктің ақша-кредит саясатын және Үкіметтің фискалдық саясатын үйлестіру, сондай-ақ банк жүйесін қалыпқа келтіру мәселелерін шешу макроэкономикалық тұрақтылықты ағымдағы жағдайларда қамтамасыз етудің негізгі факторы болып табылады. Бұл туралы ҚР Парламентінің Мәжілісінде баяндамамен сөйлеген сөзінде ҚР Ұлттық Банкінің Төрағасы Данияр Ақышев мәлімдеді.

Оның айтуынша «таяу жылдарға арналған макроэкономикалық өлшемдер оң тұрғыдан қаралып, Үкіметпен бірлесіп пысықталды». «2017 жылы елеулі сыртқы күйзеліс болмауға тиіс. Мұнай бағасы бір баррель үшін 40 – 60 доллар аралығында болса, бәрі де дұрыс болады. Үкіметтің 2017 – 2019 жылдарға арналған бюджетті қалыптастыру кезіндегі болжамы Қазақстан экономикасының ауқымды беріктік қоры бар екенін көрсетіп отыр», – деп хабарлады Д. Ақышев.

Бүгін ҚР Парламентінде «2017-2019 жылдарға арналған республикалық бюджет туралы» Қазақстан Республикасының Заңына өзгерістер мен  толықтырулар енгізу туралы» заң жобасы талқыланғанын атап өтеміз. Өз кезегінде, ҚРҰБ басшысы Ұлттық Банктің «2017-2019 жылдарға арналған республикалық бюджет туралы» Қазақстан Республикасы Заңының жобасындағы өлшемдерді қолдайтынын атап өтті.