1 наурыздағы сауда-саттық қорытындылары бойынша теңгенің нарықтық  бағамы бір АҚШ доллары үшін бір апта ішінде 0,2%-ға нығайып (376,73-тен), 375,9 теңге деңгейінде қалыптасты.

Сыртқы валюталық нарықта 2019 жылғы 22 ақпаннан 1 наурыз аралығында неғұрлым маңызды оқиғалар  АҚШ-тың ФРЖ  Төрағасы Дж.Пауэллдің АҚШ Конгрессіндегі сөз сөйлеуі, Үндістан мен Пәкістан арасындағы қақтығыстың аясында геосаяси тәуекелдердің өсуі, АҚШ ІЖӨ-нің 2018 жылғы 4-тоқсанда талдаушылардың күтулерінен жоғары өсуі, егер Парламент депутаттары Т.Мэйдің келісіміне қарсы дауыс берген және ЕО-дан «қатаң» шыққан жағдайда Ұлыбритания Премьер-Министрінің Брекситті кейінге қалдыру туралы ұсынысы, екі елдің көшбасшылары саммитіне Қытаймен сауда-саттық келісімінің мәтінін әзірлеу туралы  хабарлама, Қытаймен іскери белсенділік жөніндегі жағымды деректерді жария ету болды. Аталған факторлар АҚШ доллары бағамының дамыған елдердің валюталарымен салыстырғанда нығаюына  әкелді.

Дамушы елдердің валюта бағамдарының[1] АҚШ долларына қарағанда серпіні мынадай түрде қалыптасты:

• Үндістан рупиясы  екі ел арасындағы қақтығысты де-экскалациялау мақсатында Пәкістанның үнділік пилотты босату аясында 0,3%-ға (71,14-тен 70,91-ге дейін) нығайды; 
• Индонезия  рупиясы  капиталдың қор нарығынан әкетілуі аясында 0,4% -ға (14 058-ден 14 120-ға дейін) әлсіреді; 
• Мексика песосы  желтоқсанда бөлшек сатылымның төмендеуі (болжам +2,7% г/г болғанда  -1,3% г/г) туралы жарияланымның,  S&P рейтингтік  агенттігінің елдің тәуелсіз рейтингін теріс тұрақтыға дейін төмендету туралы шешімінің, ОБ-нің экономикалық өсуді 1,1-2,1%-ға дейін (алдыңғы болжам 1,7-2,7%) төмендету аясында 0,7%-ға (19,14-тен 19,27-ге дейін) әлсіреді;
• Ресей рублі  АҚШ заң шығарушыларының қарауына енгізілген РФ-ға қарсы санкциялар туралы заң жобасының мәтінін жария ету аясында  0,8%-ға  (66,38-ден 65,92-ге дейін) әлсіреді; 
• Бразилия реалы 2018 жылғы 4-тоқсанда ІЖӨ өсуінің баяулауы туралы деректердің шығуы  аясында 0,8%-ға (3,75-тен  3,78-ге дейін)  әлсіреді.
• Түрік лирасы инвесторлардың ОБ-нің неғұрлым жұмсақ ақша-кредит саясатына көшуі жөнінде қауіптенуі аясында  0,9%-ға (5,32-ден  5,37-ге дейін)  әлсіреді;
• Оңтүстік Африка ранды  көлік құралдары мен жабдықтар экспортының төмендеуіне байланысты қаңтарда елдегі сауда-саттық тапшылығының ұлғаюы аясында   1,6%-ға (14,00-ден 14,23-ке  дейін) әлсіреді.