«Еркін өзгермелі айырбастау бағамы режіміне өткеннен кейін және экономика субъектілері жаңа жағдайларға бейімделгеннен кейін теңгенің айырбастау бағамы тұрақтандырылды». Бұл туралы Мемлекет басшысының қатысуымен өткен Үкіметтің кеңейтілген отырысында сөз сөйлеген кезде Қазақстан Ұлттық Банкінің Төрағасы Данияр Ақышев мәлімдеді.

Д. Ақышев сондай-ақ бүгінгі күні айырбастау бағамының «объективтік факторларға сәйкес келетінін және біздің өндірушілердің бәсекеге қабілеттілігін қамтамасыз ететінін» атап өтті. «Осының бәрі Ұлттық Банктің валюта нарығына араласпауы аясында өтуде. Біз 2016 жылғы қыркүйектен бастап өктемдік жүргізбейміз», - деп қорытындылады ол.