Бұл туралы Ақша-кредит саясаты жөніндегі техникалық комитеттің 2017 жылғы 28 қаңтарда өткен отырысының қорытындысы бойынша ҚР Ұлттық Банкінің Төрағасы Д. Ақышев хабарлады. Оның ақпараты бойынша 2016 жылы теңгедегі депозиттер 3,3 трлн. теңгеге ( 66,4%-ға) өсті, шетел валютасындағы депозиттер 1,1 трлн. теңгеге (9,9%-ға) төмендеді.

Сонымен қатар, Ұлттық Банктің басшысы атап өткендей, депозиттердің құрылымы өзгерді. Мәселен, депозиттердің долларлану деңгейі 2016 жылғы қаңтардағы 70% ең жоғары деңгейден 2016 жылғы желтоқсанда 54,6%-ға дейін төмендеді. Заңды тұлғалардың теңгедегі және шетел валютасындағы депозиттері іс жүзінде теңесті (шетел валютасындағы депозиттердің үлесі 62,1%-дан 49,1%-ға дейін төмендеді). Жеке тұлғалардың салымдарында шетел валютасындағы депозиттердің үлесі 62%-ға дейін төмендеді (ең жоғары 80% деңгей 2016 жылғы қаңтарда болды)..

Д.Ақышев Қазақстандағы долларсыздандыру нәтижелерін теңдесі жоқ деп атауға болады де атап өтті (бір ғана 2016 жыл ішінде 15,2 пайыздық тармаққа төмендеді). Ол сондай-ақ долларсыздандыру бойынша стастистиканы мысалға келтірді, оған сәйкес басқа елдер осындай өтуге көп жылдар жұмсады.

Техникалық комитет ҚР ҰБ-ның ұйымдық құрылымына кірмейтін алқалы органы болып табылады, оның негізгі функциясы Ұлттық Банктің ақша-кредит саясаты саласындағы келісілген, жедел іс-қимылдарын айқындау болып табылады. Отырыстарда Ұлттық Банктің қаржы нарықтарындағы алдағы кезеңге арналған іс-қимылдары әзірленеді, ақша-кредит саясатының негізгі операциялары бойынша сыйақы мөлшерлемелерінің деңгейі айқындалады.