Банктердің экономикаға кредиттерінің көлемі 2016 жылы 12,8 трлн. теңгеге дейін 1,5%-ға ұлғайды. Осындай деректерді Ақша-кредит саясаты жөніндегі техникалық комитеттің 2017 жылғы 28 қаңтарда Алматы қ. өткен отырысының қорытындысы бойынша ҚР Ұлттық Банкінің Төрағасы Д. Ақышев атап өтті.

Д. Ақышев атап өткендей, шағын бизнесті 1 трлн. теңгеден астам немесе 3,1 трлн. теңгеге дейін 50,7%-ға ұлғайған белсенді кредиттеу олардың кредиттік портфельдегі үлесінің 24,1% ең жоғары мәнге дейін өсуіне (2016 жылғы желтоқсан) алып келді, яғни әрбір 4-ші теңгені банктер шағын кәсіпкерлікке берді. 2004 – 2016 жылдар арасындағы кезеңдегі 23,3% тарихи ең жоғары деңгей 2010 жылғы маусым-шілдеде көтерілді (үлес 3 жылда 2013 жылғы қарашадағы 11,2% тарихи ең жоғары деңгейден екі еседен астам өсті).

Сонымен қатар, Д. Ақышевтің хабарлауы бойынша, өңдеуші өнеркәсіптегі, ауыл шаруашылығындағы, саудадағы кредиттеу жанданды.

  Техникалық комитет ҚР ҰБ-ның ұйымдық құрылымына кірмейтін алқалы органы болып табылады, оның негізгі функциясы Ұлттық Банктің ақша-кредит саясаты саласындағы келісілген, жедел іс-қимылдарын айқындау болып табылады. Отырыстарда Ұлттық Банктің қаржы нарықтарындағы алдағы кезеңге арналған іс-қимылдары әзірленеді, ақша-кредит саясатының негізгі операциялары бойынша сыйақы мөлшерлемелерінің деңгейі айқындалады.