Қазақстан Республикасының Ұлттық Банкі халыққа арналған тазартылған алтын өлшеуіш құймаларды сату мен сатып алу бағдарламасына «Цеснабанк» АҚ-тың қосылғанын хабарлайды.

Алтын құймалар халық үшін қатысушы банктердің бөлімшелерінде қолжетімді. Қазіргі уақытта алтын құймаларды Қазақстан Халық Банкінде, Еуразиялық  банкте және Цеснабанкте сатып алуға болады.

Алтын құймаларды Қазақстан теңге сарайы дайындады және 10, 20, 50 және 100 грамдық төрт түрі бар. Мәселен, 10 грамдық құймалар күрең қызыл, 20 грамдық – жасыл, 50 грамдық – көгілдір түсті арнайы ораумен және 100 грамдық құймалар – алтын түстес ораумен ұсынылғанын еске саламыз.

Әрбір құйма қорғаныш элементтерімен (құймалардың тегіс беті, микромәтін және бедерлі қыр) және құймаларды механикалық бүлінуден қорғайтын және ораудың ашылған-ашылмағанын оңай тексеруге мүмкіндік беретін арнайы ораумен шығарылады.

Қорғаныш орау да құйманың сапа сертификаты болып табылады. Сондықтан құйманы ұқыптау сақтаған және орауын ашпаған жөн. 

Ұлттық Банктің тазартылған алтынның өлшеуіш құймаларына, сондай-ақ  бағдарламаға қатысушы банктер туралы ақпаратқа байланысты барлық мәселелер бойынша мына телефонға хабарласуға болады: +7 (727) 2704 569.