Ұлттық Банк халықаралық қағидаттар мен практиканы ескере отырып, банк секторын қалыпқа келтіру бойынша шаралар кешенін іске асыруды бастады. Бұл жөнінде бүгін ҚР Ұлттық Банкі Төрағасының орынбасары Алпысбай Ахметов ҚР Парламенті Сенатының Қаржы және бюджет комитетінің кеңейтілген отырысындағы баяндамасында мәлімдеді.
Оның сөзінше, банк секторын қалыпқа келтіру жөніндегі шаралар кешені банктер активтерінің сапасын тәуелсіз бағалауды да қамтитын болады, банктерді үстеме капиталдандыруға акционерлердің ортақ қатысу қағидаттары бойынша мемлекеттік ресурстардың есебінен ірі банктерді қолдау бағдарламасы ұсынылады.
«Бүгінгі күні өзгеріп отыратын макроэкономикалық ахуал, Базель III халықаралық ұсынымдарын ендіру, ДСҰ және БЭК шеңберінде бәсекеге қабілеттілікті күшейту жағдайында Қазақстанның банк секторында банктерді біріктіру процестері байқалады», - деді ол.